اسرائیلی
وزیر اعظم بینجمن نیتن یاہو نے کہا ہے کہ 7 اکتوبر کو 1,200 اسرائیلیوں کی ہلاکت
40 ہزار امریکیوں کے قتل کے برابر تھی.نیتن یاہو نے 7 اکتوبر
2023 کے حماس حملے میں تقریبا 1,200 اسرائیلیوں کی ہلاکت کو آبادی کے تناسب سے 40
ہزار امریکیوں کی ہلاکت کے برابر قرار دیا ہے۔
نیتن یاہو نے سے این این کو دیے گئے ایک انٹرویو میں
کہا کہ اسرائیل کی تقریبا ایک کروڑ آبادی کے لحاظ سے
1,200 افراد کی ایک ہی روز ہلاکت امریکہ میں تقریبا 40 ہزار افراد کے ایک دن
میں مارے جانے کے مترادف ہے۔ انہوں
نے اقوام متحدہ کی جنرل اسمبلی سے خطاب میں بھی یہی مثال دیتے ہوئے
کہا تھا کہ 7 اکتوبر کا حملہ اسرائیل کے لیے 16 ستمبر 11 جیسے واقعات کے
برابر تھا۔نیتن یاہو نے اس مثال کو اسرائیل پر 7 اکتوبر کے حملے کی شدت واضح کرنے
کے لیے استعمال کیا اور کہا کہ اس حملے کے بعد اسرائیل کے لیے حماس کے خلاف فوجی کارروائی
کرنا ناگزیر تھا۔
دوسری جانب، خبر رساں اداروں اور
اخباری انکشافات کے مطابق متحدہ عرب امارات کی جانب سے 7 اکتوبر کے حملوں سے متعلق
پیشگی اطلاع فراہم کیے جانے کے باوجود نیتن یاہو کی جانب سے فوری کارروائی نہ کرنے
کی وجوہات بھی سامنے آئی ہیں۔ دستاویزات اور رپورٹس کے مطابق نیتن یاہو نے اپنے
سکیورٹی سربراہان اور امارتی حکام کو آگاہ کیا تھا کہ وہ غزہ پر حملوں کی اجازت اس
لیے نہیں دینا چاہتے تاکہ سعودی عرب کے ساتھ تعلقات کی بحالی کی جاری کوششوں کو
نقصان نہ پہنچے۔