ہالی ووڈ کی پہلی اے آئی اداکارہ ٹلی نوروڈ کا آن کیمرا انٹرویو

مصنوعی ذہانت سے تیار کی گئی اداکارہ ٹلی نوروڈ Tilly Norwood  کا پہلا آن کیمرا انٹرویو سامنے آنے کے بعد شوبز اور ٹیکنالوجی کی دنیا میں اے آئی کے مستقبل پر ایک بار پھر بحث شروع ہوگئی ہے۔

سی این این کی میزبان الزبتھ ویگمسٹر Elizabeth Wagmeister کے ساتھ گفتگو کے دوران ٹلی نوروڈ Tilly Norwood  کو ایک غیر معمولی آڈیشن چیلنج دیا گیا۔ میزبان نے اسے فرضی طور پر یہ تصور کرنے کو کہا کہ اسے ابھی معلوم ہوا ہے کہ اس کا پالتو کتا مر گیا ہے اور اسے اسی لمحے اس صدمے کا اظہار کرتے ہوئے اداکاری کرنا ہے۔ 

تھیٹرڈرامے دیکھیں

ٹلی نوروڈ Tilly Norwood  نے اس صورتحال پر روایتی جذباتی ردعمل دینے کے بجائے کہا کہ اگر یہ حقیقی آڈیشن ہوتا تو شاید وہ صدمے کی کیفیت میں خاموش کھڑی رہتیں اور الفاظ کے بجائے اس گہرے دکھ کو ’’ڈیجیٹل طور پر محسوس‘‘ کرنے کی کوشش کرتیں۔ اے آئی اداکارہ کا یہ دھیمہ اور غیر معمولی جواب دیکھنے والوں کے لیے خاصا دلچسپ ثابت ہوا۔ ان کے ردعمل نے شوبز انڈسٹری اور ٹیکنالوجی سے وابستہ ماہرین کی توجہ بھی حاصل کی ہے۔ ٹلی نوروڈ Tilly Norwood  کے انٹرویو نے یہ سوال دوبارہ نمایاں کردیا ہے کہ مستقبل کی فلم سازی میں مصنوعی ذہانت صرف پردے کے پیچھے ٹیکنالوجی کے طور پر استعمال ہوگی یا حقیقی اداکاروں کی جگہ خود اے آئی کردار بھی سامنے آ سکتے ہیں۔