بغیر پائلٹ امریکی آبدوز قبضے میں لینے کا دعویٰ: پاسداران انقلاب

ایران کی پاسداران انقلاب کا کہنا ہے کہ آبنائےہرمز میں بغیر پائلٹ کے امریکی آبدوز کو قبضے میں لے لیا ہے۔ پاسداران انقلاب نے منگل کے روز کہا کہ انہوں نے اسٹریٹجک آبنائے ہرمز میں ایک بغیر پائلٹ امریکی آبدوز کو قبضے میں لے لیا ہے۔ گارڈز نے سرکاری ٹی وی کے ذریعے جاری کردہ ایک بیان میں کہا کہ "آئی آر جی سی کی بحری افواج نے آج صبح کے وقت ایک پیچیدہ انٹیلی جنس اور آپریشنل کارروائی میں آبنائے ہرمز کے داخلی راستے پر امریکی دہشت گرد فوج کی جدید ترین، بغیر پائلٹ اور سمارٹ آبدوزوں میں سے ایک کو قبضے میں لے لیا۔”

بیان میں مزید کہا گیا کہ "یہ اسمارٹ آبدوز زیر زمین جدید ترین ٹیکنالوجی سے لیس ہے جسے 2025 میں امریکی دہشت گرد فوج کے بیڑے کے حوالے کیا گیا تھا اس آبدوز کو اب پکڑ لیا گیا ہے اور آنے والے گھنٹوں میں اس کی تصاویر جاری کی جائیں گی۔ ایرانی میڈیا نے رپورٹ کیا کہ بغیر پائلٹ کے زیر آب وہیکل کی اہم صلاحیتوں میں "سبسرفیس جاسوسی اور نگرانی، سمندری فرش کی نقشہ سازی، بارودی سرنگوں کا پتہ لگانا اور آبدوز کی کیبلز اور پائپ لائنوں کا معائنہ” شامل ہے۔