Culture
ویتنام کے ساحل نہا ترانگ سے مس ورلڈ کا تاج اس وقت جمہوریہ ڈومینیکن منتقل ہو گیا
ویتنام کے ساحل نہا ترانگ سے مس ورلڈ کا تاج اس وقت جمہوریہ ڈومینیکن منتقل ہو گیا جب جوہیری مولا ڈومنگیز (Joheirry Mola Dominguez) کو دنیا بھر سے 111 امیدواروں کے درمیان مقابلے کے اختتام پر سال 2026 کے لیے مس ورلڈ کا تاج پہنا دیا گیا۔ یہ تاج پوشی اس ایڈیشن میں ہوئی جس میں مقابلے کے آغاز کے 75 سال مکمل ہونے کا جشن بھی منایا جا رہا تھا۔ مقابلے کے آخری مراحل میں صرف چھ خواتین حصہ لے رہی تھیں۔
سپین کی الیزابتھ رینیس الا برن Elisabeth Reynes نے پہلی رنر اپ کا لقب حاصل کیا۔ ملائیشیا کی تانوسیا چیٹی Taanuisya Chetty دوسری رنر اپ رہیں۔ میزبان ملک کی نمائندہ ویتنامی لے نگوئن باؤ نگاک Lê Nguyễn Bảo Ngọ ان فائنلسٹوں میں شامل تھیں جنہوں نے 6 امیدواروں پر مشتمل آخری مرحلے میں جگہ بنائی۔ مس ورلڈ کا اعزاز ڈومینیکن کی جوہیری مولا ڈومنگیز (Joheirry Mola Dominguez کو دیا گیا۔
تاج پوشی کا لمحہ
آخری منظر میں مولا ڈومنگیز Joheirry Mola Dominguez اپنی پانچ حریفوں کے ساتھ اس سیریز کے بعد کھڑی تھیں جسے رواں سال کی مقابلے کی انتظامیہ نے ڈیزائن کیا تھا۔ اس کے بعد ججوں نے حتمی نتیجہ کا اعلان کردیا۔ مولا ڈومنگیز (Joheirry Mola Dominguez نے مس ورلڈ 2025 تھائی لینڈ کی اوپال سچاتا چوانگ سری Opal Suchata Chuangsri سے تاج حاصل کیا تاکہ مقابلے کی سفیر کے طور پر اپنی عالمی ذمہ داریوں کے ایک نئے سال کا آغاز کر سکیں۔ ان کی جیت ڈومینیکن کے لیے خاص اہمیت رکھتی ہے کیونکہ ڈومینیکن نے اپنی تاریخ میں دوسری بار یہ لقب حاصل کرلیا۔ اس سے عالمی حسن کے مقابلوں کے نقشے پر اس کی بڑھتی ہوئی موجودگی کی تصدیق ہوتی ہے۔ اس عالمی مقابلہ حسن میں عرب دنیا کے کچھ ممالک نے بھی حصہ لیا تھا۔ مس لبنان برلا حرب، مس مراکش شریہان شرقی اور مس صومالیہ فوزیہ عبداللہ گراد بھی شریک رہیں۔
مقصد سے جڑا حسن
تاج تک جوہیری مولا ڈومنگیز Joheirry Mola Dominguez کا سفر صرف جمالیاتی موجودگی پر مبنی نہیں تھا۔ 2026 کا ایڈیشن واضح طور پر ’’ خوبصورتی مقصد کے ساتھ ‘‘ کے مفہوم پر منحصر تھا۔ یہ مس ورلڈ مقابلے کے بنیادی محوروں میں سے ایک ہے۔ رواں سال کے ایڈیشن میں تاج تک پہنچنے کے طریقے میں واضح تبدیلیاں کی گئی تھیں۔ مقابلہ ٹاپ 40 سے شروع ہوا۔ اس کے بعد وہ ٹاپ 20، پھر ٹاپ 12 اور ٹاپ 6 تک پہنچا۔ انتظامیہ نے براعظمی مقابلوں اور عوامی ووٹنگ کو حتمی فہرست کی تشکیل میں کردار دینے کا اہتمام کیا تھا۔
ویتنام کی نمائندہ باؤ نگاک Lê Nguyễn Bảo Ngọ ان ناموں میں شامل تھیں جنہوں نے مقابلے کے دوران سب سے زیادہ توجہ حاصل کی۔ خاص طور پر چونکہ وہ اپنے ملک کے عوام کے سامنے فائنل لڑ رہی تھیں۔ حتمی فہرست میں ڈومینیکن اور ویتنام کے ساتھ ایریٹیریا، ملائیشیا، سپین اور جنوبی افریقہ کی نمائندہ خواتین بھی شامل تھیں۔
ویتنام 75ویں سالگرہ منا رہا
مقابلے کی میزبانی کے لیے ویتنام کا انتخاب محض ایک اتفاقی موقع نہیں تھا کیونکہ موجودہ ایڈیشن مس ورلڈ کی 75ویں سالگرہ کی تقریبات کا حصہ تھا۔ ملک نے اگست سے لے کر 5 ستمبر کو ہونے والے فائنل تک کے عرصے کے دوران مختلف سرگرمیوں، تقاریب اور مقابلوں کی سیریز کی میزبانی کی۔ اس کے بعد یہ سفر نہا ترانگ میں تاجپوشی کی تقریب تک پہنچ گیا۔ ان تقاریب کے دوران فیشن شو، ،خوبصورتی کے خصوصی مقابلوں اور قومی لباس کے ساتھ ساتھ ثقافتی شوز کے ذریعے فیشن کو زبردست موجودگی ملی۔ اس نے امیدواروں کو اپنے ممالک کی شناخت کو متعارف کروانے کا موقع دیا۔ ٹاپ ماڈل شو پروگرام کا ایک نمایاں مرحلہ تھا۔ اس کے بعد مقابلہ اپنے سب سے حتمی مراحل میں داخل ہوا۔
نیلا تاج
روشنیوں، پرتعیش ملبوسات اور ڈرامائی تفصیلات کے درمیان نیلا تاج آخری منظر کی سب سے نمایاں علامت بنا رہا۔ جوہیری مولا ڈومنگیز Joheirry Mola Dominguez کے سر پر رکھے جانے کے ساتھ ہی مقابلے کی ایک طویل رات ختم ہو گئی اور ڈومینیکن ملکہ کے لیے ایک نیا سفر شروع ہوگیا۔ ڈومینیکن کوئین نے مس ورلڈ 2026 کا لقب بھی حاصل کرلیا۔
