Asia Pacific
اقوام متحدہ کے ہائی کمشنر برائے انسانی حقوق وولکر ترک نے خبردار کیا ہے کہ مصنوعی ذہانت (اے آئی) انسانیت کے وجود کے لیے خطرہ بن سکتی ہے، اس لیے بہت دیر ہونے سے پہلے اے آئی کے حوالے سے مضبوط ضمانتیں اور حفاظتی اقدامات یقینی بنائے جائیں۔
اقوام متحدہ کے ہائی کمشنر برائے انسانی حقوق وولکر ترک نے خبردار کیا ہے کہ مصنوعی ذہانت (اے آئی) انسانیت کے وجود کے لیے خطرہ بن سکتی ہے، اس لیے بہت دیر ہونے سے پہلے اے آئی کے حوالے سے مضبوط ضمانتیں اور حفاظتی اقدامات یقینی بنائے جائیں۔
جنیوا میں اجلاس سے خطاب کرتے ہوئے وولکر ترک کا کہنا تھا کہ دنیا میں صرف چند افراد کے پاس مصنوعی ذہانت پر تقریباً لامحدود طاقت موجود ہے، جس کے باعث اس ٹیکنالوجی کے استعمال اور اثرات کے حوالے سے عالمی سطح پر واضح ضوابط کی ضرورت ہے۔
یو این ہائی کمشنر برائے انسانی حقوق نے کہا کہ مصنوعی ذہانت سے مستفید ہونے والے ممالک کو مل کر اے آئی کے لیے متفقہ اور واضح حدود مقرر کرنے پر کام کرنا ہوگا۔انہوں نے زور دیا کہ مصنوعی ذہانت کے تیز رفتار پھیلاؤ کے پیش نظر انسانی حقوق اور انسانیت کے تحفظ کے لیے مؤثر حفاظتی ضمانتیں تشکیل دینا ناگزیر ہے کیونکہ اگر بروقت اقدامات نہ کیے گئے تو بہت دیر ہو سکتی ہے.
