كیا آپ جانتے ہیں كہ نیكٹا كی ذمہ داری سنھبالنے والے فیصل نصیر كون ہیں؟

میجرجنرل فیصل نصیر پاکستان آرمی کے سینیئر افسر ہیں، جن کا تعلق ملٹری انٹیلی جنس سے ہے اور انہوں نے اپنے کیریئر کا بڑا حصہ انٹیلی جنس، انسدادِ دہش*تگردی اور سیکیورٹی امور میں خدمات انجام دیتے ہوئے گزارا۔

وہ انٹر سروسز انٹیلی جنس (آئی ایس آئی) میں ڈائریکٹر جنرل کاؤنٹر انٹیلی جنس کے عہدے پر بھی فائز رہے ہیں۔ میجر جنرل فیصل نصیر ہلالِ امتیاز (ملٹری) اور تمغۂ بسالت کے حامل ہیں۔

وفاقی حکومت نے انہیں نیکٹا کا نیشنل کوآرڈینیٹر 3 سال کے لیے اسیکنڈمنٹ کی بنیاد پر مقرر کیا ہے، جہاں وہ ملک میں انسدادِ دہش*تگردی سے متعلق اداروں کے درمیان رابطہ کاری میں اہم کردار ادا کریں گے۔

رپورٹ کے مطابق فوجی افسر فیصل نصیر کو سنہ 2022 میں میجر جنرل کے عہدے پر ترقی دی گئی تھی جس کے بعد وہ اگست 2022 میں پاکستان کی خفیہ ایجنسی آئی ایس آئی میں تعینات ہوئے تھے۔

وہ آئی ایس آئی کے انٹرنل ونگ جسے عام طور پر ’پولیٹیکل ونگ‘ یا صرف ’سی‘ بھی کہا جاتا ہے، کے سربراہ رہے ہیں۔ اس عہدے کو عام طور پر ’ڈی جی سی‘ کہا جاتا ہے۔ خیال رہے کہ اس سے مراد کاؤنٹر انٹیلیجنس نہیں، بلکہ یہ محض ایک حرف کے طور استعمال ہوتا ہے۔ آئی ایس آئی میں ان کے علاوہ ڈی جی اے، بی وغیرہ جیسے مخفف بھی استعمال ہوتے ہیں۔