پی ٹی آئی اراکین اسمبلی کے پاسپورٹ بلاک کرنے کا حکم: اے ٹی سی

انسداد دہشتگردی کی عدالت (اے ٹی سی) نے پاکستان تحریک انصاف (پی ٹی آئی) کے اراکین اسمبلی کے پاسپورٹ بلاک کرنے کا حکم جاری کر دیا۔ وفاقی دارالحکومت کی اے ٹی سی عدالت میں پی ٹی آئی اراکین اسمبلی کے پاسپورٹ سے متعلق درخواست کی سماعت ہوئی۔ انسداد دہشتگردی عدالت کے جج ابوالحسنات محمد ذوالقرنین نے مقدمے کا فیصلہ جاری کیا۔ عدالت نے پی ٹی آئی کے 24 اراکین قومی اسمبلی اور اراکین صوبائی اسمبلی کے پاسپورٹ بلاک کرنے کا حکم جاری کیا۔ اس سے قبل اسی عدالت میں 26 نومبر کے احتجاج سے متعلق مقدمے میں پی ٹی آئی کے 3 اراکین قومی اسمبلی اور 12 اراکین صوبائی اسمبلی کے وارنٹ گرفتاری جاری کیے گئے۔ عدالت نے تھانہ کوہسار کے مقدمے میں اراکین اسمبلی کے وارنٹ گرفتاری جاری کیے۔ جن اراکین کے وارنٹ گرفتاری جاری ہوئے ان میں شاہ احد، شیر علی ارباب، زبیر وزیر، بابر سلیم سواتی، محمد عثمان، آصف محسود اور عجب گل سمیت دیگر شامل ہیں۔ 

دوسری جانب  لاہور پولیس نے تحریک انصاف کے 452 متحرک کارکنوں کے گھروں پر چھاپے مارے تاہم متعدد کارکنان گرفتاریوں کے خوف سے پہلے ہی روپوش ہو گئے تھے۔ پولیس ذرائع کے مطابق لاہور پولیس نے تحریک انصاف کے 30 متحرک رہنماوں اور کارکنوں کو گرفتار کر لیا ہے۔

پاکستان تحریک انصاف کی 27 ستمبر کو اسلام آباد میں احتجاج کی کال کے بعد لاہور میں تحریک انصاف کے کارکنوں کی گرفتاریاں شروع ہو گئیں۔ لاہور پولیس نے تحریک انصاف کے 452 متحرک کارکنوں کے گھروں پر چھاپے مارے تاہم متعدد کارکنان گرفتاریوں کے خوف سے پہلے ہی روپوش ہو گئے تھے۔ پولیس ذرائع کے مطابق لاہور پولیس نے تحریک انصاف کے 30 متحرک رہنماوں اور کارکنوں کو گرفتار کر لیا ہے۔ پولیس ذرائع کے مطابق صدر ڈویژن پولیس نے 122 کارکنوں کے گھروں پر چھاپے مارے، ماڈل ٹاؤن ڈویژن میں 111، کینٹ ڈویژن میں 142 گھروں اور سول لائنز ڈویژن میں 77 کارکنوں کے گھروں پر ریڈ کیا گیا۔ پولیس حکام کا کہنا ہے کہ امن و امان خراب کرنے والوں کی گرفتاری عمل میں لائی جا رہی ہیں۔ لاہور پولیس نے ہفتے کے روز بھی تحریک انصاف کے 3 اہم رہنماوں کو گرفتار کر لیا تھا۔