نیوزی لینڈ کے
عام انتخابات میں کسی بھی بڑی پارٹی کو واضح اکثریت نہ مل سکی، عوام میں سیاسی
نظام کے خلاف شدید مایوسی پائی جاتی ہے جبکہ چھوٹے گروہوں نے نمایاں کامیابیاں
حاصل کی ہیں۔ بی بی سی نیوز کی رپورٹ کے مطابق ملک میں سیاسی بے یقینی کے بادل
چھائے ہوئے ہیں اور نئی حکومت کے قیام کے لیے طویل مذاکرات کی توقع ہے۔ بی بی سی نیوز کے مطابق نیوزی لینڈ میں ہفتے کے روز
انتخابات ہوئے جہاں دارالحکومت ویلنگٹن میں دھند کے ساتھ ساتھ سیاسی فضا میں بھی مایوسی
چھائی ہوئی تھی۔ بی بی سی نیوز کی جانب سے پیش کردہ ایک تحقیق میں بتایا گیا کہ
نصف سے زائد آبادی اب ملک کو ترقی کے مواقع کی سرزمین نہیں سمجھتی۔ بی بی سی نیوز
نے نوٹ کیا کہ سیاسی میدان میں چھوٹی جماعتوں نے بڑی کامیابیاں حاصل کیں جس کی وجہ
سے الیکشن کا نتیجہ غیر یقینی صورتحال کا شکار ہو گیا۔ نیوزی لینڈ کے ووٹرز نے
مایوس کن ماحول اور سرمئی آسمان تلے نئے حکمرانوں کے انتخاب کے لیے حق رائے دہی
استعمال کیا۔ بی بی سی نیوز کے مطابق انتخابات کے دوران عوامی سطح پر بے رخی اور
تشویش کا عنصر نمایاں رہا، اعتماد میں کمی کے باعث دونوں بڑی سیاسی جماعتیں واضح
مینڈیٹ حاصل کرنے میں ناکام رہیں۔
اہم تفصیلات
بی بی سی نیوز کے مطابق ووٹرز نے روایتی بڑی
سیاسی جماعتوں سے منہ موڑتے ہوئے بڑی تعداد میں متبادل کا انتخاب کیا۔ دوسری طرف
چھوٹی جماعتوں بشمول بائیں بازو کی گرین پارٹی، دائیں بازو کی لبرٹی پرست ایکٹ
پارٹی اور سینٹرسٹ اپرچیونٹی پارٹی نے نمایاں نشستیں حاصل کیں۔ بی بی سی نیوز نے
بتایا کہ الیکشن کی رات اپرچیونٹی پارٹی کی رہنما کویلائی وونگ (Koelai Wong) کا کہنا تھا کہ عوام نے سیاسی نقشے کو ہمیشہ کے
لیے تبدیل کرنے کا فیصلہ کر لیا ہے۔ بی بی سی نیوز کے مطابق اب آئندہ حکومت کی
تشکیل کے لیے ہفتوں پر محیط اتحاد اور جوڑ توڑ کے مذاکرات متوقع ہیں۔
پس منظر اور اثرات
بی بی سی نیوز کے مطابق اس ملک کو تاریخی طور
پر دودھ اور شہد کی نہریں بہنے والی سرزمین سمجھا جاتا تھا جہاں محنت کے بل بوتے
پر شاندار زندگی کی ضمانت دی جاتی تھی۔ جامعہ آکلینڈ کے پروفیسر رابرٹ میک کولچ (Robert MacCulloch)
نے بی بی سی نیوز کو بتایا کہ ماضی میں لوگ بہترین کیریئر، صحت کی سہولیات اور
شاندار طرزِ زندگی سے لطف اندوز ہوتے تھے۔ تاہم بی بی سی نیوز نے واضح کیا کہ شہریوں کو آج کل سست روی
کا شکار معیشت، مہنگائی کے طوفان اور روزگار کے مواقع کی کمی کا سامنا ہے۔ بی بی
سی نیوز کے مطابق اسی مایوسی کے باعث بہت سے لوگ بہتر مستقبل کی تلاش میں ملک چھوڑ
کر جانے پر مجبور ہیں۔
خلاصہ اور آگے کیا ہوگا
بی بی سی نیوز کی رپورٹ کے مطابق پارلیمنٹ
میں تقسیم شدہ مینڈیٹ کے بعد سیاسی رہنماؤں کے درمیان مخلوط حکومت کی تشکیل کے لیے
بات چیت کا سلسلہ جاری رہے گا۔ حتمی معاہدے طے پانے تک اگلے وزیراعظم کے نام کا
فیصلہ نہیں ہو سکے گا۔
جنوبی بحرالکاہل کے خطے کا نیوزی لینڈ ایک ایسا
ملک ہے جہاں جمہوری روایات ،قانون کی حکمرانی اور سیاسی اِداروں کے استحکام میں
کبھی کمزوری نہیں آئی مگررواں ماہ سات نومبرکو ہونے والے عام انتخابات کے ابتدائی
نتائج سے ایک نئی قسم کی بحث کا آغاز ہوگیا ہے حکمران جماعت نیشنل پارٹی اگر واضح
اکثریت حاصل نہیں کر سکی تو حزبِ اختلاف کی بڑی جماعت لیبر پارٹی بھی تنہا حکومت
بنانے کی پوزیشن میں نہیں رہی مزید دلچسپ پہلویہ ہے کہ دونوں دونوں بڑی جماعتوں کے
حاصل کردہ ووٹوں میں معمولی سا فرق ہے اسی بناپر چھوٹی جماعتوں کی اہمیت زیادہ ہو
گئی ہے اب سوال یہ ہے کہ کیا ایک بارپھر نیوزی لینڈ میں ایک مستحکم اتحادی حکومت
بنے گی یا انتخابی نتائج ملک کو طویل سیاسی مذاکرات اور غیر یقینی صورتحال سے
دوچار کردیں گے ؟ اِس کا جواب دینے کے لیے ماضی کی سیاست کاجائزہ لینا ہوگا۔
نیوزی لینڈ کواُس کا محلِ وقوع اُسے دوسرے ممالک
سے منفرد بناتا ہے یہ آسٹریلیا کے جنوب مشرق میں بحرالکاہل میں واقع ایک جزیرہ نما
ملک ہے اِس کے دوبڑے جزائر شمالی جزیرہ اور جنوبی جزیرہ ہیں اوربھی متعدد چھوٹے
جزائر ہیں جو اِس کی جغرافیائی حدود کا حصہ ہیں اِس ملک کا رقبہ دولاکھ اڑسٹھ ہزار
مربع کلو میڑ جبکہ آبادی 54 لاکھ نفوس پر مشتمل ہے اِس کا دارالحکومت ویلنگٹن ہے
ملک کا سب سے بڑاشہر آکلینڈ تجارتی اور معاشی سرگرمیوں کا مرکز ہے جبکہ دوسرکاری
زبانیں انگریزی اور ماﺅری
ہیں یہ ملک خوبصورت پہاڑوں ،سرسبز میدانوں ،جھیلوں،ساحلی علاقوں اور قدرتی وسائل
کی وجہ سے دنیا بھر میں منفرد شہرت رکھتا ہے ۔ سیاسی اعتبار سے نیوزی لینڈ میں
آئینی بادشاہت ہے برطانیہ کے بادشاہ چارلس سوم بظاہر ریاست کے سربراہ ہیں مگر عملی
اختیارات وزیرِ اعظم اور منتخب حکومت کے پاس ہیں ملک کا جوپارلیمانی نظام ہے وہ
مخلوط متناسب نمائندگی (MMP)پر مشتمل ہے اِس کے
تحت ہی عوام نہ صرف سیاسی جماعت کے ساتھ اپنے انتخابی حلقے کے امیدوار کو بھی ووٹ
دیتے ہیں یہی نظام ہی کسی ایک جماعت کو مکمل اکثریت حاصل کرنے میں بڑی رکاوٹ ہے
اور اکثر اتحادی حکومتیں تشکیل دینا مجبوری بن جاتی ہیں۔
حالیہ عام انتخابات میں حکمران نیشنل پارٹی کی
قیادت وزیرِ اعظم کرسٹوفرلکسن (Christopher Luxon) نے کی جن کے پاس سیاست میں آنے سے پہلے ایئر
نیوزی لینڈ کے چیف ایگزیکٹوکامنصب رہا ہے انھوں نے اپنی جماعت کی انتخابی مُہم میں
معاشی نظم وضبط ،کاروباری سرگرمیوں میں اضافے اور سرکاری اخراجات پر قابوپانے جیسے
کارناموں کاتذکرہ کیا جبکہ حریف لیبر پارٹی کے رہنما کرس ہپکنز (Chris Hipkins) نے عوامی مسائل کو ترجیح دی مہنگائی، صحت ِ
عامہ، روزگاراور رہائش جیسے مسائل کو انتخابی سیاست کا محوربنائے رکھا دونوں نے
عوام کا دل جیتنے کی پوری کوشش کی مگر اکثریت حاصل نہیں کرسکے نیشنل پارٹی نے
29.21 فیصد ووٹوں کے ساتھ 42 جبکہ 29.36 فیصد ووٹ لیکر لیبرپارٹی نے 36نشستیں لے
لیں گرین پارٹی16، ایکٹ پارٹی13، نیوزی لینڈ فرسٹ کو 12،اور ایک نئی سیاسی جماعت
اپرچیونٹی 5.96فیصد ووٹ لیکرسات نشستوں پر کامیاب ہوئی اپرچیونٹی پارٹی کی قیادت
ایک کاروباری شخصیت کیولے وونگ کررہی ہیں علاوہ ازیں ماﺅری جماعت بھی پانچ نشستیں لے گئی ہے.
نتائج کا جو سب سے اہم پہلو ہے وہ یہ ہے کہ وزیرِ
اعظم کرسٹو فرلکسن کی نیشنل پارٹی،ڈیوڈ سیمورکی ایکٹ پارٹی اور ونسٹن پیٹرز کی
نیوزی لینڈ فرسٹ پر مشتمل اتحاد کو ابتدائی نتائج کے مطابق 67نشستیں حاصل ہوئیں
جبکہ 131رُکنی پارلیمنٹ میں حکومت بنانے کے لیے سادہ اکثریت 66نشستیں ضروری ہیں
اِس طرح بظاہر حکومتی اتحاد کو ایک نشست کی برتری حاصل ہوئی لیکن یہاں ایک اور اہم
پہلو ذہن میں رکھنے کی ضرورت ہے وہ یہ ہے کہ ابھی 4
لاکھ کے لگ بھگ ووٹوں کی گنتی ہوناباقی ہے یہ وہ ووٹ ہے جو یا تو بیرون ِ ملک مقیم
شہریوں نے ڈالے یا پھر انتخابی حلقوں سے باہر ووٹ ڈالنے والوں کے ہیں اسی بناپر
خیال کیا جارہا ہے کہ اِن ووٹوں کی وجہ سے جماعتوں کی حاصل کردہ نشستوں کی تعدا د
بدل سکتی ہے جس کی وجہ سے حکومت سازی کی صورتِ حال تبدیل ہونے کااِمکان موجودہے ۔
نیوزی لینڈ کی معیشت ترقی یافتہ ہے اِس کا
انحصار زراعت، ڈیری مصنوعات، گوشت، جنگلات، سیاحت، تعلیم اور خدمات کے شعبوں پر ہے
یہ دنیابھرمیں دودھ،مکھن،پنیراور گوشت کی برآمدات میں شہرت رکھتا ہے چین،آسٹریلیا
اور دیگر ایشیائی ملک اِس کے اہم تجارتی شراکت دار ہیں ملکی آمدنی میں سیاحت اور
روزگارکا اہم حصہ ہے لیکن گزشتہ چند برسوں میں نیوزی لینڈ کی معیشت مشکلات کاشکار
رہی نہ صرف معاشی ترقی کی رفتارمیں کمی آئی بلکہ گھروں کی قیمتوں اور رہائشی
اخراجات نے بھی عام شہریوں کومتاثر کیا بے روزگاری میں اضافہ بھی بڑے مسائل میں
شامل ہے یہی وہ مسائل ہیں جنھوں نے انتخابی مُہم میں ووٹروں کو بڑی جماعتوں سے ہٹ
کر چھوٹی جماعتوں کی طرف متوجہ کیا اب ایکٹ پارٹی کے ڈیوڈسیمور (David Seymour) اور نیوزی لینڈ فرسٹ کے سربراہ ونسٹن پیٹرز (Winston Peters) کا کردار اہم ہوگیا ہے
دونوں جماعتیں حکومت کا حصہ رہنے کے باوجود الگ سیاسی ترجیحات رکھتی ہیں ایکٹ
پارٹی سرکاری اخراجات میں کمی اور سخت معاشی پالیسیوں کی حامی ہے مگر نیوزی لینڈ
فرسٹ کا قومی معاملات پر سخت موقف ہے جس سے حکومت سازی کے امکانات پیچیدہ ہوسکتے
ہیں۔
تمام تر مسائل کے باوجودنیوزی لینڈ میں سیاسی
عدمِ استحکام کاخدشہ کم ہے یہاں مخلوط حکومتیں جمہوری نظام کا حصہ ہیں۔
حکومت
سازی کے لیے مذاکرات، مشترکہ پروگرام اور تحریری معاہدے مستحکم پارلیمانی روایت
ہیں اب بھی حکومت کی تشکیل میں جتنا وقت لگے گا تب تک موجودہ حکومت نگران کی حیثیت
سے انتظامی امورسرانجام دیتی رہے گی۔
نیوزی لینڈ میں انتخابات ہو چکے اب نتائج کی روشنی میں ایک قابل حکومت تشکیل دینا
اہم امتحان ہے اگر 27 نومبر کے حتمی نتائج میں حکومتی اتحاد اکثریت سے محروم
ہوجاتا ہے تو نئے سیاسی معاہدوں کی ضرورت ہوگی مگر مضبوط جمہوری اِداروں ،آزاد
انتخابی نظام اور اتحادی سیاست کی روایات کو مدِ نظر رکھتے ہوئے یہ کہہ سکتے ہیں
کہ نیوزی لینڈ کسی آئینی بحران سے نہیں بلکہ ایک مشکل جمہوری مرحلے کی روش پرگامزن
ہے۔