روس امریکی میزائل ہٹانے کے حوالے سے جاپان کے وعدوں پر یقین نہیں رکھت، آندرے رودینکو

روس نے جاپان کی جانب سے مشترکہ فوجی مشقوں کے اختتام پر امریکی میزائل نظام ہٹانے کے وعدے پر عدم اعتماد کا اظہار کرتے ہوئے خبردار کیا ہے کہ ایسے اقدامات کا جواب دیا جائے گا۔ روسی نائب وزیر خارجہ آندرے رودینکو  Andrey Rudenko نے روسی اخبار ازویستیا Izvestia کو انٹرویو دیتے ہوئے کہا کہ جاپانی حکام نے یقین دہانی کرائی ہے کہ فوجی مشقیں ختم ہونے کے بعد امریکی میزائل نظام کو جاپانی سرزمین سے ہٹا لیا جائے گا، تاہم روس کو موجودہ جاپانی حکومت پر بہت کم اعتماد ہے۔ آندرے رودینکو  Andrey Rudenko نے کہا کہ روس نے جاپان کو واضح طور پر خبردار کردیا ہے کہ ایسے اقدامات کو نظر انداز نہیں کیا جائے گا۔ رپورٹس کے مطابق امریکا نے جاپان کے جنوب مغربی حصے میں واقع مرکزی جزیرے کیوشو Kyushu پر جون سے ستمبر تک ہونے والی فوجی مشقوں کے لیے اپنے ٹائفون Typhon زمینی میزائل نظام تعینات کرنے کا منصوبہ بنایا تھا۔ یہ نظام درمیانے اور کم فاصلے تک مار کرنے والے میزائل داغنے کی صلاحیت رکھتا ہے۔ مشقوں کے دوران ہیمارس HIMARS  متعدد راکٹ لانچر نظام بھی تعینات کیے جانے کی اطلاعات سامنے آئی تھیں۔

روس نے جاپان کی سرزمین سے امریکی ٹائفون Typhon میزائل نظام واپس بلانے کا مطالبہ کیا ہے۔ روسی وزارت خارجہ کی ترجمان ماریا زاخارووا Maria Zakharova نے اس سے قبل کہا تھا کہ ٹائفون میزائل نظام کی تعیناتی سے ہونے والی فوجی مشقیں خطے میں روس کے مفادات اور سلامتی کے لیے خطرہ ہیں۔