روس اور شمالی کوریا کے درمیان پہلا پل قائم کر دیا گیا

دونوں ملکوں کے درمیان اس پل کی تعمیر پر برسوں سے بات چیت جاری تھی، گذشتہ برس روسی صدر پیوٹن کے دورہ شمالی کوریا کے دوران منصوبے پر اتفاق ہوا تھا۔ روس اور شمالی کوریا کو زمینی راستے سے ملانے والے پل کا افتتاح کر دیا گیا۔ دریائے ٹومن پر تعمیر پل کو دوطرفہ اسٹریٹجک شراکت داری کے لیے اہم سنگِ میل قرار دیا گیا ہے۔ روس اور شمالی کوریا کے پرچموں سے سجے ٹرکوں کا پہلا قافلہ ایک کلومیٹر طویل پل سے گزرا۔ روس اور شمالی کوریا کے وزرائے اعظم نے ویڈیو لنک کے ذریعے افتتاحی تقریب سے خطاب بھی کیا۔ دونوں ملکوں کے درمیان اس پل کی تعمیر پر برسوں سے بات چیت جاری تھی، گذشتہ برس روسی صدر پیوٹن کے دورہ شمالی کوریا کے دوران منصوبے پر اتفاق ہوا تھا۔