بشار الاسد کے دور کی ’ٹیررزم کورٹ‘ کو مکمل طور پر ختم

شام کی نئی پارلیمنٹ (عوامی اسمبلی) نے بدھ کے روز متفقہ طور پر ایک بل منظور کی۔ اس میں بشار الاسد کے دور کی ’ٹیررزم کورٹ‘ کو مکمل طور پر ختم کرنے کا فیصلہ کیا گیا ہے۔ یعنی دہشت گردوں کو سزا دینے والی اس عدالت کا اب کوئی وجود نہیں رہے گا۔ اس عدالت کے سبھی فیصلوں کا قانونی اثر رد کر دیا گیا ہے۔ سرکاری ٹی وی چینل ’الاخباریہ‘ کی رپورٹ کے مطابق بدھ کے روز ہوئی ووٹنگ سے اس عدالت کو ختم کرنے کے عمل کو رسمی شکل دے دی گئی ہے۔

2012 میں قائم کی گئی ’کاؤنٹر ٹیررزم کورٹ‘ کا استعمال سابق صدر بشار الاسد کے دور حکومت میں ہزاروں شامی شہریوں پر دہشت گردی سے متعلق جرائم کے لیے مقدمہ چلانے میں کیا گیا تھا۔ بدھ کے روز ہونے والی ووٹنگ بشار الاسد کی معزولی کے بعد بننے والی پہلی پارلیمنٹ کے ابتدائی ہفتوں میں ہوئی۔ یہ ایوان پہلی بار جولائی میں منعقد ہوا تھا۔ جون 2025 میں صدر احمد الشرع Ahmed al-Sharaa  نے ایک حکم جاری کر کے ان 67 ججوں کو برطرف کر دیا تھا، جنہوں نے اس عدالت میں کام کیا تھا۔ انہوں نے اس وقت اسے ختم کی جا چکی انسداد دہشت گردی عدالت قرار دیا تھا۔ 

مارچ 2025 میں شام کے آئینی اعلامیہ میں واضح طور پر کہا گیا تھا کہ اس ٹیررزم کورٹ کے غیر منصفانہ فیصلوں کو رد کیا جائے گا۔ اس میں لوگوں کی ضبط کی گئی اراضی کا بھی ذکر موجود تھا۔ اقوام متحدہ کی انسانی حقوق کمیٹی نے 2024 میں کہا تھا کہ 2012 کا وہ قانون جس کے ذریعہ یہ عدالت بنی تھی، وہ عوام کو صحیح انصاف فراہم کرنے میں ناکام تھی۔ کمیٹی نے تشویش کا اظہار کیا تھا کہ لوگ بلاوجہ گرفتار کیے جاتے تھے، ان پر تشدد کیا جاتا تھا اور عدالت آزاد نہیں تھی۔

یہ عدالت اسمبلی کے ان ابتدائی بڑے قانون ساز فیصلوں میں سے ایک ہے، جو اس نے اپنے ابتدائی اجلاسوں میں داخلی قواعد اور کمیٹیاں تشکیل دینے کے بعد لیا ہے۔ بشار الاسد خاندان کی 53 سالہ حکمرانی 8 دسمبر 2024 کو ختم ہو گئی۔ یہ سب 11 روز تک جاری رہنے والے اچانک حملے کے بعد ہوا، جس نے شام اور دنیا کو حیران کر دیا تھا۔ اس کے ساتھ ہی ایک ظالمانہ پولیس اسٹیٹ کا بھی خاتمہ ہو گیا، جو تشدد اور لوگوں کے لاپتہ ہو جانے جیسے واقعات کے لیے جانی جاتی تھی۔