برطانوی پابندیوں پر اسرائیل کا ردعمل

اپنے ایک بیان میں صیہونی وزیر خارجہ کا کہنا تھا کہ تل ابیب، برطانوی حکومت کی عائد کردہ پابندیوں کے سامنے خاموش نہیں بیٹھے گا اور انتقامی اقدامات کرے گا۔ برطانوی پابندیوں کے جواب میں صیہونی وزیر خارجہ "گیڈعون سعر" Gideon Saar  نے "لندن" کے خلاف انتقامی اقدامات کا اعلان کیا۔ ان اقدامات میں برطانوی سرکاری نمائندوں کو "کریات گاٹ" فوجی اڈے  Kiryat Gat  سے نکالنا، 12 برطانوی اراکین پارلیمنٹ اور شہریوں کو مقبوضہ علاقوں میں داخلے پر پابندی لگانا شامل ہے۔ اس کے علاوہ مقبوضہ "یروشلم" میں برطانوی قونصل خانہ بند کرنا بھی صیہونی رژیم کے دیگر اقدامات میں شامل ہے۔ قبل ازیں گیڈعون سعر نے لندن کی جانب سے صیہونی رژیم کے عہدیداروں اور اداروں کے خلاف حالیہ پابندیوں کے جواب میں جوابی و قطعی کارروائی کا اشارہ دیا تھا۔ اس حوالے سے صیہونی وزیر خارجہ نے باضابطہ طور پر اعلان کیا کہ تل ابیب، برطانوی حکومت کی عائد کردہ پابندیوں کے سامنے خاموش نہیں بیٹھے گا اور انتقامی اقدامات کرے گا۔ واضح رہے کہ برطانیہ نے اعلان کیا کہ وہ مغربی کنارے میں غیر قانونی اسرائیلی بستیوں کی مصنوعات پر پابندیاں عائد کرے گا۔ جس پر برطانوی میڈیا نے رپورٹ دی کہ یہ اقدام، صیہونی رژیم کے ساتھ تعلقات میں وسیع تر تبدیلی کا حصہ ہے۔