ڈیموکریٹک امریکی نمائندے الہان عمر پر سرکہ پھینکنے والے شخص کو 14 ماہ قید کی سزا

امریکی کانگریس الہان عمر Ilhan Omar پر سرکہ چھڑکنے والے شخص کو 14 ماہ قید کی سزا سنائی گئی۔ امریکی ریاست مینیسوٹا میں ٹاؤن ہال اجلاس کے دوران مسلم رکن کانگریس الہان عمر پر سرکہ پھینکنے والے ملزم کو عدالت نے 14 ماہ قید کی سزا سنا دی ہے۔ رپورٹس کے مطابق Anthony Kazmierczak نامی شخص نے سیاسی اختلاف کے باعث کانگریس رکن الہان عمر کو نشانہ بنانے اور ان پر سرکہ پھینکنے کا اعتراف کیا تھا۔

عدالت نے مقدمے کی سماعت کے بعد ملزم Anthony Kazmierczak کو اس گھناؤنے فعل اور واقعے میں ملوث ہونے پر 14 ماہ قید کی سزا کا حکم سنا دیا ہے۔ عدالت میں سماعت کے دوران ملزم نے اپنے فعل پر عدالت اور رکن کانگریس سے معافی مانگی۔ اس کے وکیل اور استغاثہ کے مطابق ملزم کو صحت کے کچھ مسائل بالخصوص پارکنسنز کی بیماری کا سامنا ہے اور وہ اس واقعے کے وقت دباؤ کا شکار تھا۔ استغاثہ کے ساتھ طے پانے والے پلی بارگین معاہدے کے تحت عدالت نے مقدمه کا فیصلہ سناتے ہوئے Anthony Kazmierczak کو وفاقی عہدیدار پر حملے کے جرم میں 14 ماہ قید کی سزا کا حکم سنا دیا۔ اس کے علاوہ عدالت نے اسے رہائی کے بعد 3 سال تک نگرانی میں رکھنے اور الہان عمر سے رابطہ نہ کرنے کا بھی حکم دیا ہے۔