یمنی فوج کی 944 کارروائیاں، 267 حوثی جنگجوؤں کو غیر فعال کردیا گیا

یمنی مسلح افواج نے اعلان کیا ہے کہ اس کے جنگی طیاروں نے مأرب (Marib) ، تعز (Taiz)  اور لحج گورنری  (Lahij) کے محاذوں پر 19 فضائی حملے کیے جن میں حوثی ملیشیا کے ٹھکانوں، اجتماع گاہوں اور گاڑیوں کو نشانہ بنایا گیا۔ ڈرون طیاروں نے حوثی ملیشیا کے لڑاکا ٹھکانوں، گاڑیوں، ہتھیاروں اور وسائل کے خلاف 267 پروازیں کیں۔ مسلح افواج کے سرکاری ترجمان کرنل ماجد النزیلی  (Colonel Majid Al-Nuzaili) نے وضاحت کی ہے کہ فیلڈ آرٹلری اور راکٹ لانچرز نے 944 ہدف بنانے والی کارروائیاں کی ہیں جن میں ملیشیا کے اجتماعات، ان کی کمک، ان کے فائرنگ پوائنٹس، ان کی قلعہ بندیوں، مورچوں اور سنائپرز کی جگہوں کو نشانہ بنایا گیا۔

انہوں نے بتایا کہ فیلڈ رپورٹس کے ابتدائی اعداد و شمار کے مطابق ان کارروائیوں کے نتیجے میں ملیشیا کے 267 کے قریب کمانڈروں اور ارکان کو ہلاک، زخمی یا میدانِ جنگ سے فرار کر کے غیر فعال کر دیا گیا۔ حوثیوں کی 97 جنگی گاڑیوں اور سواریوں، توپخانے اور لانچرز کو تباہ یا غیر فعال کر دیا گیا۔ اس کے ساتھ ساتھ ان کے متعدد ٹھکانوں، قلعہ بندیوں اور فائرنگ پوائنٹس کو بھی تباہ کر دیا گیا۔

مجموعی اعداد و شمار کے لیے نگرانی اور تصدیق کی کارروائیاں جاری ہیں۔ کرنل ماجد النزیلی  (Colonel Majid Al-Nuzaili) نے نشاندہی کی کہ چھٹی، ساتویں اور تیسری ملٹری ریجن سے تعلق رکھنے والے یمنی مسلح افواج کے اہلکار، جو اپنے مختلف محاذوں میں تعینات ہیں، نے اپنی جنگی ذمہ داریوں کو مہارت اور قابلیت کے ساتھ انجام دینے، ملیشیا کی سرگرمیوں کا مقابلہ کرنے اور ان کے ٹھکانوں اور اجتماعات کو نشانہ بنانے کے سلسلے کو جاری رکھا۔

انہوں نے کہا کہ تعز گورنری میں مسلح افواج کے عناصر عوامی مزاحمت کی حمایت کے ساتھ متعدد محوروں میں جھڑپوں، ملیشیا کے حملوں کا مقابلہ کرنے اور ان کی سرگرمیوں ، اجتماعات اور فائرنگ کے ذرائع کو نشانہ بنانے کے عمل کو جاری رکھے ہوئے ہیں۔ انہوں نے بتایا کہ شمالی محاذ اور جوف (Al-Jawf)  کے محاذوں پر ایمرجنسی فورسز کے ہمارے دستے ’’ درع الوطن ‘‘(Dira Al-Watan)  کے اہلکاروں کے ساتھ مل کر اپنی جنگی ذمہ داریاں انجام دے رہے ہیں اور پچھلی جنگی کارروائیوں کے دوران واپس حاصل کیے گئے علاقوں کو بارودی سرنگوں سے پاک کر رہے ہیں۔

اس حوالے سے اتوار کے روز بھی حوثی ملیشیا کے اقدامات سے نمٹنے اور ان کے ٹھکانوں اور اجتماعات کو نشانہ بنانے کا کام بھی جاری ہے۔ ماجد النزیلی نے اس بات پر زور دیا کہ ’’ درع الوطن ‘‘(Dira Al-Watan)  اور ’’ العمالقہ برگیڈز‘‘   (Al-Amaliqa Brigades)کے جنوبی اور جنوب مغربی محاذوں پر یمنی مسلح افواج کے اہلکار، قومی مزاحمت کے ساتھ مل کر، اپنی جنگی ذمہ داریاں جاری رکھے ہوئے ہیں۔

انہوں نے کہا کہ وہ کچھ شعبوں میں متعدد ٹھکانوں پر کنٹرول حاصل کرنے میں کامیاب رہے ہیں، دیگر شعبوں میں جھڑپیں اور ملیشیا کی تحرکات سے نمٹنا جاری ہے۔ یمنی مسلح افواج نے اس بات کی تصدیق کی کہ ان کے اہلکار شہریوں اور شہری املاک کے تحفظ کے لیے ضروری احتیاطی تدابیر اختیار کرتے ہوئے، پختہ عزم کے ساتھ اپنے قومی فرض کی ادائیگی جاری رکھے ہوئے ہیں۔ یہ پیش رفت اس وقت سامنے آئی ہے جب تعز محور میں یمنی مسلح افواج، عوامی مزاحمت کی حمایت کے ساتھ تعز شہر کے جنوب میں واقع صبر الموادم ڈسٹرکٹ (Sabir Al-Mawadim District)  میں حوثی ملیشیا کے ساتھ شدید جھڑپیں کر رہی ہیں۔ عسکری ذرائع نے ویب سائٹ ’’ ستمبر ڈاٹ نیٹ ‘‘کو بتایا کہ یمنی مسلح افواج، عوامی مزاحمت کی حمایت کے ساتھ، صبر کے علاقے میں کحلان کے محاذ پر شدید لڑائی لڑ رہی اور حوثیوں کو جانی و مالی اعتبار سے سنگین نقصان پہنچا رہی ہیں۔ اس سے قبل یمنی مسلح افواج نے جبهة الشقب  (Al-Shaqab Front) میں حوثی ملیشیا کا ایک ڈرون طیارہ جیسے ہی جبهہ (military front / battlefront)  کی فضائی حدود میں داخل ہوا، اسے مار گرایا۔