حوثیوں نے باب المندب پر مکمل کنٹرول حاصل کرلیا: انصار اللہ تنظیم کا دعویٰ

یمن کی انصار اللہ تنظیم کے سینیئر اہلکار محمد البخیتی  Mohammed Al-Bakhiti نے دعویٰ کیا ہےکہ حوثیوں نے باب المندب پر مکمل کنٹرول حاصل کرلیا ہے۔ ایرانی میڈیا کے مطابق حوثیوں نے مغربی صوبے تعز  Taiz میں کلیدی اہمیت کے حامل علاقوں اور فوجی اڈوں الخالد  Al-Khaled اور جبل النصر Jabal Al-Nasr  پر قبضہ کرلیا ہے اور بحیرہ احمر کے ساحلی علاقے المخا Al-Mocha  بندرگاہ کے داخلی حصوں تک پہنچ گئے ہیں۔  ایرانی میڈیا کے مطابق حوثیوں کی جانب سے المخا Al-Mocha  ائیرپورٹ پرقبضہ کرلیا گیا ہے جبکہ مزاحمت کرنیوالوں نے بڑی تعداد میں ہتھیار ڈال دیے ہیں۔  

واضح رہے کہ باب المندب عالمی سطح پر جہازوں سے تیل، گیس اور غذائی اجناس کی منتقلی کیلئے اہم گزرگاہ ہے  جبکہ المخا  Al-Mocha اسٹریٹیجک لحاظ سےانتہائی اہمیت کا حامل ہے، یہاں سے بحیرہ احمر میں جہازوں کی مانیٹرنگ کی جاسکتی ہے اور فوجی لحاظ سے بھی اس کی اپنی اہمیت ہے۔   یمن صدارتی لیڈر شپ کونسل کے صدر رشاد علیمی نے کہا ہے کہ باب المندب کے قریب عسکری صورتحال میں تبدیلی کے اثرات سوئز کینال تک جا سکتے ہیں۔ انہوں نے خبردار کیا کہ باب المندب کے اطراف موجودہ عسکری صورتحال عالمی تجارت پر اثرانداز ہوسکتی ہے، انہوں نے یمن کی ساحلی علاقوں کے تحفظ کو یمن سمیت عرب اور بین الاقوامی ذمہ داری قرار دیا۔