Asia Pacific
جاپان کے ایک بھکشو نے سخت مذہبی تربیت کے تحت 12 سال کے لیے خود کو خلوت میں محدود کر لیا ہے۔ اس دوران وہ ایک بھی شخص سے ملاقات نہیں کریں گے۔
جاپان کے ایک بھکشو نے سخت مذہبی تربیت کے تحت 12 سال کے لیے خود کو خلوت میں محدود کر لیا ہے۔ اس دوران وہ ایک بھی شخص سے ملاقات نہیں کریں گے۔ اوتسو Otsu میں ماؤنٹ ہئی Mount Hiei پر واقع نانزامبو مندر Nanzambo Templeکے 31 سالہ سربراہ بھکشو سوگاکو تاگوچی Sogaku Taguchi نے 11 ستمبر سے اس مدت کا آغاز کیا۔ طویل خلوت کے باعث وہ 11 ستمبر 2038 تک نہ مندر سے باہر جائیں گے، نہ بیرونی دنیا کے بارے میں کچھ جانیں گے اور نہ ہی کسی دوسرے شخص سے رابطہ کریں گے۔ نانزامبو مندرNanzambo Temple ، این ریاکوجی مندر Enryakuji temple کے احاطے کا حصہ ہے۔ تاگوچی Taguchi اسی احاطے میں واقع جودو اِن ہال میں قیام کریں گے، جو تندائی بدھ مت فرقے Tendai Buddhist sect کے بانی سائچو Saicho کے لیے مخصوص ہے۔ تاگوچی Taguchi روزانہ ایک سخت معمول پر عمل کریں گے، جس میں شدید سردیوں کے دوران بھی ریاضت اور سخت مذہبی مشقیں شامل ہیں۔ ماضی میں اس مشقت کے دوران بیمار پڑنے والے کئی بھکشو ہلاک بھی ہو چکے ہیں۔ وہ ہال کی صفائی اور کھانا پکانے کا کام بھی کریں گے، جو مقبرے کے سامنے پیش کیا جائے گا۔
این ریاکوجی مندر Enryakuji temple کے مطابق تاگوچی Taguchi 1699 کے بعد سے 118؍ویں ’’جیشِن‘‘ “jishin” اور دوسری عالمی جنگ کے خاتمے کے بعد آٹھویں جیشِن “jishin” ہیں۔ جیشِن “jishin” بننے کے سفر میں ’’کوسوگیو‘‘ “kaihogyo” نامی مذہبی مشق شامل ہے۔ اس کے تحت بھکشو کو روزانہ ہر بدھا کے سامنے 300 مرتبہ لوبان پیش کرنا، ان کے ناموں کا ورد کرنا اور بار بار سجدہ کرنا ہوتا ہے۔ بتایا جاتا ہے کہ اس مشقت کی شدت کے باعث بھکشو کو بدھا کی ایک واضح شکل دکھائی دینے لگتی ہے۔ تاگوچی Taguchi نے گزشتہ سال اسی عرصے سے کوسوگیو “kaihogyo”کی مشق شروع کر دی تھی۔ کوسوگیو “kaihogyo”مکمل کرنے کے بعد تاگوچی Taguchi نے کیدان اِن ہال میں ’’جیسےئی جوکائی‘‘ “Jisei Jukai” یعنی خود عائد کردہ مذہبی عہد کی تقریب میں شرکت کی۔ خلوت میں جانے سے قبل انہوں نے صحافیوں سے گفتگو کرتے ہوئے کہا کہ وہ ’’اس سفر کے آغاز پر کھڑے ہو کر خوشی سے سرشار ہیں‘‘۔ انہوں نے کہا، ’’دینگیودائشی Dengyodaishi کی تعلیمات کے مطابق زندگی گزارنے کی خواہش میرے دل میں بڑھتی گئی، اور اسی مقصد کو سامنے رکھتے ہوئے میں نے ایک بھکشو کی راہ اختیار کی۔‘‘ دینگیودائشی Dengyodaishi کا لقب اس وقت کے شہنشاہ کی جانب سے دیا گیا تھا۔
ماؤنٹ ہئی Mount Hiei ’’کائی ہو گِیو‘‘'kaihogyo' نامی سخت مذہبی مشق کے لیے بھی مشہور ہے، جس میں بھکشو سات سال کے دوران مجموعی طور پر ایک ہزار دن پہاڑ کے گرد پیدل سفر کرتے ہیں۔ پہلے تین برسوں میں انہیں ہر سال مسلسل 100؍ دن تک روزانہ 30؍ کلومیٹر پیدل چلنا ہوتا ہے۔ چوتھے اور پانچویں برس میں ہر سال مسلسل 200؍ دن تک روزانہ پیدل چلنے کی مشق کی جاتی ہے۔ اس کے بعد بھکشو 9؍ دن تک بغیر کھانے، پانی، نیند اور لیٹے گزارے روزانہ منتروں کا ورد کرتے ہیں، جبکہ دیگر بھکشو ان کی نگرانی کرتے ہیں۔ اگلے سال 100 دن تک روزانہ 60 کلومیٹر پیدل چلنا ہوتا ہے، جس کے بعد والے سال یہ فاصلہ بڑھ کر ۸۴؍ کلومیٹر روزانہ ہو جاتا ہے۔ آخری مرحلے میں 100 دن تک روزانہ 30 کلومیٹر پیدل چلنے کی مشق کی جاتی ہے۔
