معروف جاپانی ناول نگار ریو موراکامی 74برس کی عمر میں انتقال کر گئے

جاپان کے معروف ناول نگار ریو موراکامی74 Ryu Murakami برس کی عمر میں گزشتہ ہفتے سنیچرکو انتقال کر گئے۔ جاپانی خبر رساں ادارے جیجی پریس  Jiji Press نے جمعہ کو یہ اطلاع دی۔ جنوب مغربی جاپان کے صوبے ناگاساکی Nagasaki  میں پیدا ہونے والے ریو موراکامی Ryu Murakami اپنی مشہور تصانیف ’’آلموسٹ ٹرانسپیرنٹ بلیو‘‘Almost Transparent Blue اور ’’کوائن لاکر بے بیز‘‘ Coin Locker Babiesکیلئے جانے جاتے تھے۔ ان کی آخری رسومات اہل خانہ نے نجی طور پر ادا کیں۔ ریو موراکامی Ryu Murakami نے1976 میں اپنے پہلے ناول ’’آلموسٹ ٹرانسپیرنٹ بلیو‘‘Almost Transparent Blue پر گونزو پرائز فار نیو رائٹرز  Gunzo Prize for New Writers اور جاپان کا ممتاز اکوتاگاوا انعام Akutagawa Prize حاصل کیا تھا۔ انہوں نے یہ ناول موساشینو آرٹ یونیورسٹی Musashino Art University میں زیرِ تعلیم ہونے کے دوران لکھا تھا۔ یہ ناول بے حد مقبول ہوا اور اس کی تقریباً350000 کاپیاں فروخت ہوئیں۔

ان کی تحریروں نے روایتی ادب کی حدود سے آگے بڑھتے ہوئے تشدد، منشیات، جنسیات اور سماجی بیگانگی جیسے موضوعات کو اجاگر کیا۔ ریو موراکامی فلمی ہدایت کار اور اسکرین رائٹر کی حیثیت سے بھی معروف تھے۔ اس کے علاوہ وہ ٹی وی ٹوکیو کارپوریشن کے پروگرام ’’کیمبرین پیلس‘‘ Cambrian Palace  میں تقریباً دو دہائیوں تک میزبان اور مرکزی انٹرویو نگار کے طور پر خدمات انجام دیتے رہے۔