امریکہ: نو منتخب اولین مسلم سینیٹرعبدالالسید کا قرآن پر حلف اٹھانے کا منصوبہ

امریکہ کے نو منتخب اولین مسلم سینیٹر عبدالالسید (Abdul El-Sayed)  نے قرآن پر حلف اٹھانے کے منصوبہ کا اظہار کیا ہے، وہ ایسا کرنے والے پہلے امریکی سینیٹر کے طور پر تاریخ رقم کریں گے، لیکن ابھی تک تھامس جیفرسن  (Thomas Jefferson) کی کاپی اور مشی گن یونیورسٹی کے پاس موجود ایک پرانے قرآن کے نسخے کے درمیان انتخاب کرنا باقی ہے۔

مشی گن کے منتخب سینیٹر عبدالالسید (Abdul El-Sayed)  نے کہا ہے کہ وہ جنوری میں قرآن پر اپنے عہدے کا حلف اٹھانے کا ارادہ رکھتے ہیں، ایسا کرنے والے پہلے امریکی سینیٹر بنیں گے۔ تاہم، انہوں نے ابھی تک یہ فیصلہ نہیں کیا ہے کہ وہ مقدس کتاب کے کون سے نسخے کا انتخاب کریں گے۔جمعرات کو این پی آر کی لیلا فاضل  (Leila Fadel of NPR (National Public Radio) سے نیٹ ورک کے نیوز میکرز پروگرام میں بات کرتے ہوئے، ال سید نے دو ممکنہ انتخاب کا ذکر کیا: ایک نسخہ جو کبھی سابق امریکی صدر تھامس جیفرسن  (Thomas Jefferson) کی ملکیت تھی اور ایک قدیم نسخہ جو مشی گن یونیورسٹی میں محفوظ ہے۔انہوں نے کہا،’’ میں ممکنہ طور پر قرآن پر حلف اٹھاؤں گا۔ کون سا قرآن، ابھی طےنہیں ہے۔’’تھامس جیفرسن  (Thomas Jefferson) کے پاس قرآن کی ایک کاپی تھی۔ لہذا جب کیتھ ایلیسن  (Keith Ellison) نے کانگریس میں حلف لیا، تو انہوں نے اس کاپی پر حلف لیا۔ مشی گن ریاست میں پہلا قرآن بھی ہے۔ مشی گن یونیورسٹی اسے رکھتی ہے۔ یہ بہت، قدیم نسخہ ہے، اور یہ انتخاب ہو سکتا ہے۔ لہذا میں نہیں جانتا، لیکن میں قرآن پر حلف اٹھاؤں گا۔‘‘

واضح رہے کہ 2007 میں، کیتھ ایلیسن (Keith Ellison)  امریکی کانگریس کے لیے منتخب ہونے والے پہلے مسلمان بنے۔ انہوں نے تھامس جیفرسن (Thomas Jefferson)   کی ملکیت والے قرآن کے ترجمے پر ایوان کے رکن کے طور پر حلف اٹھا کر تاریخ رقم کی تھی۔1764کا ترجمہ لائبریری آف کانگریس میں محفوظ ہے۔ایلیسن ڈیٹرائٹ  (Ellison, Detroit) میں پیدا ہوئے اور19 سال کی عمر میں اسلام قبول کرنے سے پہلے ایک کیتھولک خاندان میں پلے بڑھے۔جبکہ 42 سالہ عبدالالسید  نے3 نومبر کو مشی گن کی سینیٹ ریس میں ریپبلکن امیدوار مائیک راجرز  (Mike Rogers) کو شکست دی، امریکی سینیٹ کے لیے منتخب ہونے والے پہلے مسلمان امریکی بن گئے۔ وہ چیمبر میں خدمات انجام دینے والے پہلے وبائی امراض کے ماہر بھی ہیں۔وہ3 جنوری2027 کو عہدہ سنبھالنے والے ہیں، نائب صدر جے ڈی وینس انہیں حلف دلائیں گے۔