آبنائے ہرمز سے گزرنے کے لیے ٹینکر کپتانوں کو ایک لاکھ ڈالر ماہانہ تنخواہ کی پیشکش

آبنائے ہرمز میں بڑھتے ہوئے سکیورٹی خطرات اور تجارتی جہازوں پر حملوں کے خدشات کے باعث تیل بردار جہازوں کے کپتانوں کو غیر معمولی تنخواہوں اور بھاری مراعات کی پیشکش کیے جانے کی اطلاعات سامنے آئی ہیں برطانوی خبررساں ادارے کے مطابق بعض شپنگ کمپنیوں کی جانب سے خطرناک سمندری راستے سے گزرنے کے لیے ٹینکر کپتانوں کو ماہانہ ایک لاکھ ڈالر تک تنخواہ اور اضافی مالی مراعات کی پیشکش کی جا رہی ہے۔ آبنائے ہرمز دنیا کے اہم ترین بحری تجارتی راستوں میں شمار ہوتی ہے جہاں سے عالمی سطح پر تیل اور گیس کی بڑی مقدار منتقل کی جاتی ہے خطے میں کشیدگی کے باعث اس راستے سے گزرنے والے تجارتی جہازوں کو سکیورٹی خدشات کا سامنا ہے، جس کے نتیجے میں شپنگ کمپنیوں کے لیے تجربہ کار عملہ حاصل کرنا بھی مشکل ہوتا جا رہا ہے. ماہرین کے مطابق اگر اس اہم بحری گزرگاہ میں عدم استحکام برقرار رہا تو عالمی توانائی منڈی، تیل کی قیمتوں اور بین الاقوامی تجارت پر اس کے اثرات مرتب ہو سکتے ہیں۔