بلغاریہ کی قائم مقام صدر الیانا یوتووا اتوار کو ہونے والے صدارتی انتخاب کے دوسرے مرحلے میں اپنے مغرب نواز حریف آندرے گیوروف کے مقابلے میں فیصلہ کن کامیابی کی جانب گامزن ہیں۔ ا
بلغاریہ کی قائم مقام صدر الیانا یوتووا اتوار کو ہونے والے صدارتی انتخاب کے دوسرے مرحلے میں اپنے مغرب نواز حریف آندرے گیوروف کے مقابلے میں فیصلہ کن کامیابی کی جانب گامزن ہیں۔ ایگزٹ پولز کے مطابق انہیں واضح برتری حاصل ہے۔ پانچ بڑی پولنگ ایجنسیوں کی جانب سے مکمل کیے گئے متوازی ووٹوں کے تخمینوں میں یوتووا کے حصے میں 56.6 سے 58.2 فیصد ووٹ آنے کا امکان ظاہر کیا گیا ہے، جبکہ آندرے گیوروف (Andrey Gurov) کو 35.6 سے 40.6 فیصد ووٹ ملنے کی توقع ہے۔ گیوروف (Andrey Gurov) نے صوفیہ میں ایک پریس کانفرنس سے خطاب کرتے ہوئے کہا، ’’ہم نتائج کو قبول کرتے ہیں، چاہے وہ کتنے ہی حیران کن کیوں نہ ہوں۔‘‘ انہوں نے مزید کہا کہ انتخابی مہم تو ختم ہو رہی ہے، لیکن ذمہ داری ختم نہیں ہوتی۔
بلغاریہ کی سوشلسٹ پارٹی (بی ایس پی) سے طویل عرصے سے وابستہ یوتووا (Iliana Iotova) نے گزشتہ ہفتے ہونے والے پہلے مرحلے کے مقابلے میں اپنی حمایت میں اضافہ کیا ہے۔ پہلے مرحلے میں انہیں 34.76 فیصد ووٹ ملے تھے، جبکہ گیوروف (Andrey Gurov)31.95فیصد ووٹوں کے ساتھ دوسرے نمبر پر رہے تھے۔ یوتووا (Andrey Gurov) کی انتخابی مہم میں یوکرین کو مزید ہتھیار فراہم نہ کرنے پر زور دیا گیا اور اس کے بجائے سفارتی حل کے ذریعے امن قائم کرنے کی حمایت کی گئی۔ یہ مؤقف ان کے حریف کے نقطۂ نظر سے مختلف تھا۔ یہ انتخاب اپریل میں ہونے والے پارلیمانی انتخابات کے بعد منعقد ہو رہا ہے، جن میں سابق صدر رومین رادیف (Rumen Radev) کی قیادت میں پروگریسو بلغاریہ (Progressive Bulgaria) نے قومی اسمبلی کی 240 میں سے 131 نشستیں جیت کر واضح اکثریت حاصل کی تھی۔ یوتووا (Iliana Iotova) اس سے قبل رومین رادیف (Rumen Radev) کی نائب صدر کے طور پر خدمات انجام دے چکی ہیں۔ رادیف (Rumen Radev) نے جنوری میں استعفیٰ دے دیا تھا، جس کے بعد یوتووا (Iliana Iotova) نے قائم مقام صدر کا عہدہ سنبھالا۔ پروگریسو بلغاریہ نے پانچ سالہ مکمل صدارتی مدت کے لیے ان کی امیدواری کی حمایت کی ہے۔
