جاپان کی وزیراعظم آئندہ ہفتے چین کا پہلا دورہ کریں گی

جاپان کی وزیراعظم سانائے تاکائیچی (TAKAICHI Sanae)  آئندہ ہفتے چین کےپہلے دورہ کے دوران شینزن میں ایشیا پیسیفک  (Asia-Pacific in Shenzhen) سربراہی اجلاس میں شرکت کریں گی۔بنگلہ دیشی نیوزایجنسی بی ایس ایس کے مطابق جاپانی حکومت نے جمعہ کو اس بات کی تصدیق کی ہے۔جاپان کے نائب چیف کابینہ سیکرٹری ماساناؤ اوزاکی  (Masanao Ozaki) نے بتایا کہ وزیراعظم سانائے تاکائیچی (TAKAICHI Sanae  16 تا 19 نومبر تک فلپائن اور چین کا دورہ کریں گی، جہاں وہ آسیان سے متعلق سربراہی اجلاسوں اور ایپک سربراہی اجلاس میں شرکت کریں گی۔ ماساناؤ اوزاکی (Masanao Ozaki)   کے مطابق ایپک اجلاس میں سانائے تاکائیچی  (TAKAICHI Sanae) تجارت، سرمایہ کاری، علاقائی اقتصادی انضمام، اقتصادی و توانائی کے شعبوں میں استحکام اور ڈیجیٹل معیشت سمیت مختلف امور پر تبادلہ خیال کریں گی اور ان معاملات پر جاپان کا موقف پیش کریں گی۔ تاہم، اجلاس کے موقع پر چینی صدر شی جن پنگ کے ساتھ ان کی کسی ملاقات یا رابطے پر خصوصی توجہ دی جائے گی۔ شینزن  (Shenzhen) روانگی سے قبل وہ فلپائن کے دارالحکومت منیلا جائیں گی، جہاں 11 ممالک پر مشتمل تنظیم آسیان کے اجلاس میں شرکت کریں گی۔اوزاکی نے بتایا کہ آسیان اجلاس کے موقع پر کواڈ سربراہی اجلاس کے انعقاد کے انتظامات بھی کیے جا رہے ہیں، جس میں آسٹریلیا، بھارت، جاپان اور امریکا کے رہنماؤں کی شرکت متوقع ہے۔