ترکیہ میں بھی بچوں کے سوشل میڈیا کے استعمال پر پابندی

ترکیے میں بھی کم عمر بچوں کے سوشل میڈیا کے استعمال پر پابندی لگ گئی ہے۔ عالمی میڈیا کی رپورٹ کے مطابق ترکیے نے بھی 15 سال سے کم عمر بچوں کے لیے سوشل میڈیا کے استعمال پر پابندی کا قانون منظور کر لیا ہے۔ نیوز ایجنسیز نے مذکورہ حوالے سے ایک رپورٹ دی ہے، جس میں بتا یا گیا ہے کہ ترک پارلیمان نے رواں سال کے اپریل میں بچوں کو آن لائن نقصاندہ مواد سے محفوظ رکھنے کے لیے قانون منظور کیا تھا جو کہ اب اس قانون پر عمل درآمد یکم نومبر سے ہوگا۔ مقامی میڈیا کے مطابق پارلیمان نے قانون کے تحت سوشل میڈیا پلیٹ فارمز کو صارفین کی عمر کی تصدیق سمیت تیکنیکی اور انتظامی حفاظتی اقدامات کرنا ہوں گے۔ یہ بات بھی علم میں رہے کہ نئے قانون کے مطابق ایسے آن لائن پلیٹ فارمز اور سروسز کی فراہمی بھی ممنوع ہوگی جو بچوں میں لت لگانے کا سبب بن سکتی ہیں۔