معاشی استحکام کے نظریات پر رابرٹ ہال اور مائیکل ووڈفورڈ نوبیل انعام کے حق دار قرار

رائل سویڈش اکیڈمی آف سائنسز نے معاشی علوم کا 2026 کا نوبیل انعام امریکی ماہرینِ معاشیات رابرٹ ای ہال اور مائیکل ووڈفورڈ کو دینے کا اعلان کردیا۔ نوبیل انعام کی سرکاری ویب سائٹ کے مطابق دونوں ماہرین کو مجموعی معاشی استحکام کے نظریات پر تحقیق کے اعتراف میں اس اعزاز کے لیے منتخب کیا گیا ہے۔ اکیڈمی کے مطابق دونوں ماہرین کی تحقیق سے ایسے جدید معاشی ماڈلز کی تیاری میں مدد ملی جن کے ذریعے معاشی اتار چڑھاؤ کو سمجھنے اور اس کے اثرات کم کرنے کے لیے مؤثر مالیاتی اور زری پالیسیوں پر عمل درآمد ممکن ہوا۔ یہ ماڈلز دنیا بھر کے مرکزی بینک اور حکومتیں استعمال کرتی ہیں۔ رابرٹ ای ہال کا تعلق اسٹینفورڈ یونیورسٹی جبکہ مائیکل ووڈفورڈ کا تعلق کولمبیا یونیورسٹی سے ہے۔ دونوں ماہرین کی تحقیق معاشی بحرانوں، مہنگائی اور معاشی سرگرمیوں میں اتار چڑھاؤ سے نمٹنے کے لیے پالیسی سازی میں اہم کردار ادا کرتی ہے۔