جاپان کا عمر رسیدہ آبادی والا گاؤں، نئے رہائشیوں کی تلاش میں پیرو کی طرف متوجہ ہوگیا

جاپان کے ایک پہاڑی گاؤں میں حال ہی میں پیرو سے آئے غیر متوقع مہمانوں کا پرجوش استقبال کیا گیا جو کہ اس معاہدے کے بعد پہلی بار ہوا ہے جس میں پیرو سے تعلق رکھنے والے افراد وہاں جا سکیں گے۔ خبر رساں ادارے اے ایف پی کے مطابق اس اقدام کا مقصد ایسے گاؤں کو دوبارہ زندہ کرنا ہے جہاں صرف بوڑھے افراد بستے ہیں اور اس کا وجود معدومی کے خطرے سے دوچار ہے۔

جاپان کی کاؤنٹی گنما Gunma Prefectureمیں واقع محض 1300 کی آبادی والے گاؤں ’نانموکو‘Nanmokuکے دورے پر آئے پیرو کے شہر ’بیلین‘Belen کے میئر اور دو نوجوان لڑکیوں نے جب ایک مقامی اولڈ ایج ہوم کا دورہ کیا تو بزرگوں نے کچھ حیرت اور کچھ مسکراہٹوں کے ساتھ ان کا استقبال کیا۔ 19 سالہ طالبہ وینڈی سانگاما Wendy Sangama نے خبر رساں ادارے کو بتایا کہ ’یہاں پہنچتے ہی مجھے اس جگہ کی ہر چیز سے پیار ہو گیا تھا اور یہ ایک ایسا گاؤں ہے جہاں میں ممکنہ طور پر مستقبل رہائش اختیار کر سکتی ہوں۔‘ ‘ 

نانموNanmoku جاپان کا سب سے قدیم گاؤں ہے جہاں کی 70 فیصد سے زائد آبادی 65 سال یا اس سے زائد عمر کے افراد پر مشتمل ہے۔ سنہ 2014 میں سامنے آنے والی ایک رپورٹ میں اسے جاپان میں ’معدومی کے سب سے زیادہ خطرے سے دوچار’ گاؤں قرار دیا گیا تھا۔

دریائے نانموکو Nanmokuکے ساتھ واقع گاؤں کی مرکزی سڑک پر مکانات اور دکانیں موجود ہیں جن میں سے بیشتر ویران اور بند ہیں اور زیادہ تر سناٹا رہتا ہے۔ گاؤں کے حکام کو امید ہے کہ بیلین Belen کے ساتھ طے پانے والا سسٹر سٹی (جڑواں شہروں کا) معاہدہ بیلین Belen سے تعلق رکھنے والے نوجوانوں کو نانموکو Nanmokuمیں بسنے کے۔ اگرچہ ابھی یہ واضح نہیں کہ وہ رہائشی ویزا کیسے حاصل کریں گے۔ پیرو میں جاپانی تارکینِ وطن کی کافی تعداد ہے تاہم نانموکو Nanmokuکے میئر سائجو ہاسیگاواSaijo Hasegawa  کا کہنا ہے کہ یہ معاہدہ کسی خاص حکمتِ عملی سے زیادہ ایک جاپانی پیرو تاجر سے اتفاقیہ ملاقات کا نتیجہ تھا۔ انہوں نے کہا کہ گاؤں کو اپنی بقا کے لیے غیر ملکیوں سمیت مزید رہائشیوں کو راغب کرنے کی ضرورت ہے، قطع نظر اس کے کہ وہ کہاں سے آتے ہیں کیونکہ ان کے بغیر ہم ایک ایسے موڑ پر پہنچ سکتے ہیں جہاں شاید پبلک ٹرانسپورٹ بھی بند ہو جائے گی۔

’روزگار کی کمی اور نئی امیدیں‘

جاپان میں افرادی قوت کی شدید کمی کے باوجود تارکینِ وطن کی مخالفت بڑھ رہی ہے جس کے باعث وزیراعظم سانائے تاکائیچی Sanae Takaichi'غیر ملکیوں سے متعلق قوانین کو مزید سخت کرنے پر زور دے رہی ہیں۔ نانموکو Nanmokuنے ملک کے دیگر حصوں سے نوجوانوں کو اپنے ہاں بلانے کی کئی کوششیں کیں لیکن پہاڑی علاقہ ہونے کی وجہ سے یہاں روزگار کے مواقع اور قابلِ کاشت زمین انتہائی محدود ہے۔ میئر ہاسیگاواSaijo Hasegawa کا کہنا ہے کہ یہاں ہر سال قریباً 60 افراد کا انتقال ہوتا ہے جبکہ صرف دو یا تین بچے پیدا ہوتے ہیں۔ اس کے برعکس پیرو کا علاقہ بیلین Belen نسبتاً ایک جوان کمیونٹی ہے۔

ایمیزون کے شمال مشرقی شہر ایکویٹوس Iquitos کے اس غریب علاقے کی اوسط عمر صرف 27 سال ہے۔ 60 ہزار سے زائد آبادی پر مشتمل یہ علاقہ جسے لاطینی امریکہ کا ’وینس‘ بھی کہا جاتا ہے، صرف ہوائی جہاز یا کشتی کے ذریعے ہی قابلِ رسائی ہے۔ دورے پر آئی 23 سالہ طالبہ کیٹسی یاہوارکانی Ketsi Yahuarcani, نے اس تجربے کو شاندار قرار دیتے ہوئے کہا کہ ’اگر مجھے یہاں بسنے کا موقع ملا تو میں ضرور رکوں گی۔‘ نانموکو Nanmokuکے قریبی اضلاع نے غیر ملکی کارکنوں بالخصوص کیئر گیورز   caregivers,کو آنے کی اجازت دی ہے لیکن وہ عام طور پر شارٹ ٹرم یا تکنیکی ویزوں پر آتے ہیں۔

میئر ہاسیگاوا Saijo Hasegawa  کا کہنا ہے کہ ان کا وژن الگ ہے۔ وہ چند برسوں کے لیے آنے والے مزدوروں کے بجائے ایسے لوگ چاہتے ہیں جو نانموکو Nanmokuمیں طویل مدتی زندگی تعمیر کریں۔ تاہم کچھ سال قبل کیوٹو سے نانموکو Nanmokuمنتقل ہونے والے 34 سالہ یوکی وانی بوچیYuki Wanibuchi کا کہنا ہے کہ نئے آنے والوں کو زبان کی رکاوٹ سمیت کئی چیلنجز کا سامنا ہو گا کیونکہ ڈرائیونگ لائسنس حاصل کرنے کے لیے جاپانی زبان آنا ضروری ہے۔ گاؤں کے 87 سالہ رہائشی ہیروشی ایہارا Hiroshi Iharaنے بتایا کہ انہوں نے اپنے گاؤں کو بوڑھا ہوتے دیکھا ہے کیونکہ ان کے اپنے تینوں بچے روزگار کی تلاش میں بڑے شہروں میں جا چکے ہیں۔ انہوں نے کہا ’جاپان کی آبادی کم ہو رہی ہے میرے خیال میں اگر بیرونِ ملک سے لوگ یہاں آئیں اور ہماری مدد کریں تو یہ سب سے بہترین بات ہو گی۔‘