تیئس ڈالر میں خریدی گئی پینٹنگ 1.35 ملین ڈالر میں نیلام

امریکا میں اسٹیٹ سیل سے صرف 30 ڈالر میں خریدی گئی پینٹنگ 1.35 ملین ڈالر میں نیلام ہوگئی۔

غیر ملکی میڈیا کے مطابق شکاگو کی معروف مصورہ گرٹروڈ ایبرکرومبی  Gertrude Abercrombieکی 1951 میں تخلیق کردہ پینٹنگ ’ایلڈرمین مریمز شیلز Alderman Merriam’s Shells  ‘ کئی دہائیوں سے نظروں سے اوجھل تھی۔ رواں سال جولائی میں امریکی ریاست مشی گن کے شہر کالامازوKalamazoo میں ایک شخص نے خزانے کی تلاش کے دوران یہ پینٹنگ محض 30 ڈالر میں خریدی۔ بعد ازاں ماہرین نے پینٹنگ کا جائزہ لیا تو معلوم ہوا کہ یہ گرٹروڈ ایبرکرومبی  Gertrude Abercrombieکا طویل عرصے سے گمشدہ فن پارہ ہے۔

پینٹنگ کی نیلامی سے قبل اس کی قیمت ڈیڑھ لاکھ سے ڈھائی لاکھ ڈالر تک لگائے جانے کی توقع تھی، تاہم بولی توقعات سے کہیں آگے نکل گئی اور فن پارہ بالآخر 1.35 ملین ڈالر میں فروخت ہوا۔ یہ رقم گرٹروڈ ایبرکرومبی  Gertrude Abercrombieکی کسی بھی پینٹنگ کے لیے اب تک ادا کی جانے والی سب سے زیادہ قیمت ہے۔ ماہرین کے مطابق مصورہ نے یہ پینٹنگ 1952 میں مشی گن کے ڈاکٹر جان رینالڈزJohn Reynolds کو طبی علاج کے عوض تحفے میں دی تھی۔ تقریباً 75 سال تک یہ فن پارہ ڈاکٹر کے خاندان کے پاس رہا، جس کے بعد اسے اسٹیٹ سیل میں فروخت کردیا گیا۔